 |
| Larawan mula sa instagram Kristine Hermosa-Sotto/ Dinna Bonnevie |
Kinumbinse ni Dina Bonnevie na magbalik sa showbiz ang actress na si Kristine Hermosa. Ito ang naikwento niya sa latest vlog ni Ogie Diaz.
Si Dina Bonnevie na may tunay na pangalan na Geraldine Schaer Bonnevie-Savellano ay isang beteranang actress dito sa Pilipinas.
Sa panayam ni Ogie Diaz sa latest vlog nito, ay ibinahagi ni Dina kung paano niya kinumbinse si Kristine na bumalik sa pag-artista at maging sa pagsali nito sa Miss Universe.
"Actually ilang beses ko siyang tinatanong e, sabi ko Tin bakit ayaw mong mag-artista ulit? Sayang, right now she's so thin. Sobrang slim, ang ganda ganda niya. Sabi ko 'yung MIss Universe ngayon pwede nang sumali kahit may asawa. bakit hindi ka sumali? Hindi na Ma, Bakit? Masaya na ako nang ganito. Masaya na kami ni Oyo ng ganito lang" sabi ni Dina
Gusto raw ni Dina na magkasama sila nina Oyo, Kristine, Danica sa isang proyekto.
"Tinanong ko nung birthday ko, ayaw mo bang mag-artista ulit? Sabi ko, ang dream ko, Magkasama tayo sa isang soap. Ikaw, si Oyo, ako. Or si Danica kung pwede pa siya," sabi pa ni Dina
Kung bibigyan daw ng pagkakataon si Kristine ay gusto raw niyang bumalik pero medyo light lang daw ang gusto nitong role hindi na gaya ng dati.
"Sabi niya, okay lang ma gusto ko pa sanang mag-artista pero ayaw na daw niya ng may iyakan. Ayaw na niya, gusto niya yung light lang. 'Yung happy lang. Siguro parang comedy lang or just a light show. Ayaw na niya ng may crying crying." kwento pa ni Dina